تكالبف المعيشه فى فلوريدا عامة و اورلاندو خاصة

هتكلم النهارده عن فلوريدا عامة و اورلاندو خاصة

المعلومات تم جمعها من الناس الى عايشه هناك و من احصائيات و كده

انا عمرى ما زرت المدينه بس ان شاء الله ف المستقبل ناوى

المهم نبدأ ع بركه الله
اولا المعيشه
المرتبات فى الولايه دى قليلة نوعا ما بالمقارنه بالولايات التانيه بجانب ان تكاليف المعيشه متوسطه يعنى تقدر تقول انها قريبه من ولايه زى مينيسوتا مثلا ف تكاليف المعيشه و الاكل و الشرب
الامان فى المنطقه : مقدرش احكم بالظبط بس فى مدن زى Weston معدل الامان فيها عالى جدا و منطقة زى pine hills بيسموها حرفيا crime hills
ده لفولريدا عامة يعنى ف اماكن كويسه و اماكن زى الزفت
بالنسبه لاورلندو خاصة فى أأمن منطقة للعيش فيها و كمان احسن المناطق Winter Park و East Orlando و Lake Nona و Horizon West
لو معندكش مشكله مع المرور فإشطه لان المرور هنا حاجه صعبه جدا بسبب السياح الكتير الى بيجوا فلوريدا
ابعد عن ميامى ابعد عن ميامى ابعد عن ميامى ابعد عن ميامى
لو بتحب البحر و الشواطئ فلوريدا مليانه يعنى هتصيف تقريبا طول السنه
و كان ف مقوله مضحكه بتقول ان اهل فلوريدا مش بيروحوا شواطئ فلوريدا اصلا

الجو بص هو جو حر مطر غريب كده
يعنى ممكن تكون قاعد ف الكريسماس مثلا و تلاقى الجو حر عادى فدى ممكن تكون حاجه كويسه ليك او وحشه على حسب
بس لو خيرونى بينها و بين اريزونا هختار فلوريدا و انا مغمض فى حوار الجو بس

طبعا سعر الساعه مختلف كتير ف فلوريدا من مكان للتانى يعنى ف ميامى مثلا ممكن توصل ل 13 دولار دى اقل حاجه و بترفع معاك بقى
بس المتوسط فى الولايه كلها حوالى 8.10 $ ف الساعه

نيجى بقى للمواصلات زى اغلب الولايات يعنى محتاج عربيه *الواحد محتاج مواصلات نيويورك و الله* xD

الشغل طبعا متوفر فى فلوريدا كلها فإطمن يعنى و يا سلام لو يعنى اتجننت شوية و اشتغلت فى ميامى حجات زى الفل بس ابعد عن الحراااااااااااااااااااااااااااام عشان ربنا يبارك بس

للامانه بس فولريدا مش تخليها اختيارك الاول للهعيشه فيها بسبب ان هى من اعلى الولايات ف امريكا فيها جريمه بس اورلاندو معدل الجريمه فيها قليل

نيجى بقى لتكاليف المعيشه و الاكل و الشرب و السكن
السكن
اولا طبعا لو انت مشارك سكن هيكون كالتالى من 435 لحد 750 و ده ف اولاندو طبعا عشان لو ناس جت قالت ف ميامى اغلى من كده من الاخر ميامى كل حاجه فيها غاليه
طبعا ممكن توقع غرف بأقل من كده ممكن توصل ل 300 $ شهريا و دى حاجه كويسه بس ع حسب المنطقه و خلى بالك كويييييييس
فى فلوريدا عامة بميامى بكل حاجه متوسط الغرف من 550 ل 900
و ده طبعا ف غرف ف ميامى بتوصل ل 1200 شهريا ربنا يبعدنا عنها xD

الاكل و الشرب بقى

المنيو ف اى مطعم متوسط بتبدأ من 13 $
نص كيلو فراخ بدون عضم ب 4.80 $
لتر لبن ب 96 سنت
12 بيضه ب 3.32 $
كيلو الخضروات بتبدأ من 1.50 لحد 5 $ شامل بطاطس طماطم اى حاجه من الخضار ده
نص كيلو الجبنه ب 5.15 $ ارخص من منيسوتا ب 3 دولار يا محظوظين 😂
2 لتر كوكا ب 1.73 $
كيس عيش يكفيك يومين ب 1.50 $
تكاليف ال utilities الى هى الغسال و الحجات دى حوالى متوسط 170 $ شهريا
متتخضش ممكن توصل ل 50 دولار عموما شهريا بس ده متوسط الولايه كلها و ممكن يبقى عندهم حجات مش هتبقى عندك
الكهربا و الغاز و المية و الحجات دى تقريبا متوسط 120 دولار شهريا و برضو ممكن يبقى اقل من كده ع حسب
النت ال 8 ميجا دونلود ب 40 $ شهريا انا بتكلم ع خطوط البيت خطوط الموبايل دى حاجه تانيه
لتر البنزين ب 62 سنت او ع حسب المنطقه بس ده المتوسط
و النصيحه بتاعت كل مره اشترى و اطبخ اكل ف البييييييييييييييييييييييييييييييت
طبعا على عكس مينيسوتا ف هنا ضرائب ع الاكل و الحجات الى بتشتريها دى
بس بص للجانب المشرق فولريدا مش عندها state income tax