نصايح الإيجار في أمريكا للعائلات و الطلبة

البوست ده عن نظام و نصايح الإيجار في أمريكا للعائلات و الطلبة ... و هحاول اعمل بوست وافي بأي تساؤل :
١). الرسوم القانونية وغير القانونية: لما تيجي للسكن يحق لصاحب الشقة أن يطلب منك دفع إيجار أول شهر وآخر شهر وإيداع تأمين ورسوم تغيير القفل الي هي( lock fee ) ، وجزء من رسوم إعادة التفتيش او "re-inspection fee" (ده بيطبقوه في بعض المدن زي بوسطن أول ما تسكن بتيجي لجنة ويشيكوا على نظافة البيت وصلاحية الأجهزة وغيرها). ولا يحق له أن يطلب منك رسوم غيرها مثل رسوم حجز الشقة أو رسوم حيوانات أليفة، أو رسوم السمسار أو الشخص اللي جاب لك السكن إلا إذا كان سمسار عقارات مرخص له....و طبعا ممكن يكون فيه استثناءات بشكل ودي لو ده شخص تعرفه شخصيا..


٢) أصدقاء السكن (الروميت): في حالة خروج رفيق السكن من نفس الشقة يعني الروميت، فأنت المسئول قدام المالك عن دفع نصيبه في الإيجار لحد ما تجيب واحد تاني...

٣) عقود الإيجار والتأجير حسب الرغبة اللي بيسموها( Tenancies-at-Will): لما يقدملك صاحب الشقة العقد بتاع الشقة أو البيت إقراه مرتين و تلاتة و الف قبل ما توقع بحرف واحد....وارد وجود cheating condition عشان انتا غريب . و لو مش بتعرف تقرا انجليزي جيب اي واحد يترجم. وغالبا العقود بالسنة وهي عقود ملزمة قانونيا. (و Tenancies-at-Will غالبا بيكون بدون عقد يعني باتفاق شفهي ويكون بالشهر ويكتب على الشيك من الضهر إنه إيجار شهر كذا و يعطيك إيصال).


٤) تأمين المستأجر: في حال السرقة أو الحريق لن يتحمل مالك الشقة الأغراض الشخصية المكلفة زي الكمبيوتر والاستريو والتلفزيون والمجوهرات والأثاث، فأحسن لك تعمل تأمين المستأجر (وهو متوفر ورخيص في حدود 12 دولار في الشهر بس هيوفر عليك آلوفات).

٥) إعادة فحص الوحدة المستأجرة: في الغالب بيطلب منك المؤجر ترتيب موعد لفحص الشقة من قبل لجنة نظافة الولاية عشان تتأكد من مطابقتها لقانون النظافة للولاية بعد ما تنقل ليها علي طول. عشان تتأكد اسأل المالك أو اتصل على المكتب المسئول بمدينتك.


٦) مخالفة القانون: لازم المالك يوفرلك شقة مطابقة لقوانين البناية والنظافة للولاية. وأي مخالفة لازم تبلغها للمالك خطيا وفي حال عدم استجابته بالإصلاحات اللازمة اتصل بوزارة الخدمات التفتيشية في مدينتك.

٧) حالة الشقة: قبل توقيع اتفاقية الإيجار عدي على الشقة و شوف حالتها. و لو مقدرتش تروح بنفسك ابعت حد من طرفك يروح ويشيك عليها. عشان متتحملش أضرار موجودة في الشقة من قبل ما تنقلها بحيث يمكن يكون فيه حشرات او ريحة نفازة مطلعتش في الصور...

٨) الإيداعات الأمنية و قيمة إيجار آخر شهر: قانونا بيحق للمالك أنه يطلب منك إيداع تأمين و قيمة إيجار آخر شهر بمبلغ يعادل قيمة إيجار شهر واحد . في حالة انه طلبها منك لازم تأخذ منه الإيصالات اللازمة وخليه يدفع فوائدها على أساس سنوي، وفي حالة الإيداع الأمني خلي الفلوس في حساب مستقل في بنك محلي داخل ولايتك.

٩) الإزعاج: راعي جيرانك علي قد ما تقدر تكسبهم . الحفلات المزعجة آخر الليل او الموسيقى العالية ينتج عنها شكاوي ويمكن توصل لإنك تخلي الشقة بأمر من الشرطة...

١٠) الوساطة: إذا حصل بينك وبين المالك خلاف و مقدرتوش تحلوه ا بينكم. دور لك على وسيط. الوساطة عملية غير رسمية بتساعدك أنت والمالك في الوصول لحل بمساعدة وسيط نزيه. وفيه مكاتب لخدمات وساطة مجانية في كل مدينة حاول توصلهم...

نصايح عامة :
+ حاول بقدر الإمكان تخلي مالك الشقة مش صاحبك...لأن العلاقة الودية الزيادة ممكن تخليك تستغني عن موضوع وصل استلام الإيجار...و أي اصلاحات او تعديل في الشقة تمضيه عليه عشان متشلش انتا الليلة ... و اوعي تمضي علي اي ورق بإجبار او من غير ما تقرا كل بنوده كويس يمكن يكون فيه cheating condition...
+ انتا المسئول عن سلامتك الشخصية في حالة اختيارك لأي مدينة او حي بمعدلات جريمة عالية و دي اعلي المدن من حيث اقل معدلات جريمة في الولايات الامريكية كلها :

1# Naperville / Illinois state 
2# Irvine / California state 
3# Thousand Oaks / California state 
4# Provo / Utah state 
5# Round Rock / Texas state
و بالنسبة للمدن صاحبة أعلي معدلات جريمة في الولايات الامريكية كلها :
1# Detroit / Michigan state 
(للسنة الرابعة علي التوالي تحتل ديترويت مكان اخطر مدينة امريكية الي هي اكبر تجمع للامريكان السود بنسبة تعدي ال 80% من السكان...غير كدا عصابات و فقر و تلوث ) 
2# Saint Louis / Missouri state 
3# Oakland / California state 
4# Memphis / Tennessee state 
5# Birmingham / Allamba state
+ سعر الإيجار مش شامل الخدمات زي الانترنت و فاتورة التليفون ولا شامل الكهربا ... فحاول تخصص ع الاقل ٣٥٪ من دخلك لو شغال بنظام " دوام كامل" و ٦٥ ٪ لو شغال " دوام جزئي " عشان المصاريف دي ...
+ للناس الجديدة...المالك ملوش الحق تماما يخش الشقة خلال فترة الإيجار ...ففي الفترة دي المستأجر ليه حق أنه يعترض و يطلب الشرطة لو احتاج الامر...

+ غير قفل الشقة بشكل دوري و اتأكد كويس ان الشبابيك محمية كويس و مش علي مَنَطْ .... عشان دايما شقق الطلبة او العائلات الجديدة بتكون مستهدفة من الحرامية احياناً...

+ تجنب التعامل مع الhomeless ...لأن مش دايما الناس دي بتكون مظلومة ساعات كتير بيكون بسبب الإدمان او عصابة هي الي موجههاهم يقعدوا في الشارع...و ساعات بيكون شخص عادي و بيشحت...فمش اي حد في اي مكان تحتك بيه...انا طبعا مش بعمم بس حذر ولا تخون...

+ فيه فئات في الجامعة أو السكن بتبقي اسمها (شَكَل للبيع ) عايز يعمل أي مشكلة مع أي حد و مش فارق معاه حد...الفئات دي حاول تتجنبها علي قد ما تقدر...لو لقيتهم ماسككين حد ... متعملش دور الhero و تدافع عنه....لأنك غالبا هتضرب معاه ...ده طبعا غير لو عرفوا سكنك او القسم بتاعك في الجامعة...فالغالب الشرطة بتحل المشكلة ...بس مفيش داعي للقلق...

& اتمني اكون عرفت اوصل المعلومات اللازمة للناس..

منقول من احد الاخوة